"શારીરિક અને માનસિક સ્વાસ્થ્ય જાગૃતિ કાર્યક્રમ" - હેલ્પ્સ ફાઉન્ડેશન દ્વારા

 

વિશ્વ સ્વાસ્થ્ય સંગઠન જયારે ‘સ્વાસ્થ્ય દિવસ’ના ૭૫ વર્ષ ઉજવી રહ્યું છે અને શારીરિક તથા માનસિક સ્વાસ્થ્ય પ્રત્યે સૌનું ધ્યાન દોરી રહ્યું છે ત્યારે આ જ દિશામાં કાર્ય કરતું હેલ્પ્સ ફાઉન્ડેશન કઈ રીતે પાછળ રહી શકે. ‘Health For All’ ના ધ્યેયને ધ્યાનમાં રાખીને સાથે હેલ્પ્સ ફાઉન્ડેશનના ડૉ. ધીરેન્દ્ર પટેલ અને ડૉ. કાજલ પટેલના માર્ગદર્શન અને સહયોગ હેઠળ સુરેન્દ્રનગરની અંબાલા ગામની પ્રાથમિક શાળામાં બાળકો માટે “શારીરિક અને માનસિક સ્વાસ્થ્ય જાગૃતિ કાર્યક્રમ”યોજવામાં આવ્યો હતો. જેમાં હું(યાશ્રી), અંજલી, અને જયોતિકા સ્વયંસેવકો તરીકે જોડાયા હતા.

સ્વાસ્થ્યના દરેક અલગ પાસાને આવરી લઈને આ કાર્યક્રમમાં વિવિધ વિષયો પર વાત કરવામાં આવી હતી. જેમકે શારીરિક સ્વાસ્થ્ય જાળવી રાખવા માટે જરૂરી  ચોખ્ખું પાણી અને શરીરની સ્વચ્છતા - આ વિષય પર અંજલીએ બાળકોને માહિતગાર કર્યા. એ પછી પોષણયુક્ત આહાર સંબંધિત બાબતોથી ડૉ. કાજલ પટેલ દ્વારા તેમને જાગૃત કરવામાં આવ્યા. મેં અને જયોતિકાએ  અનુક્રમે મોબાઈલના વ્યસન અને તમાકુ તથા સિગારેટના વ્યસન જેવા વિષય અંગે બાળકો સમક્ષ રજૂઆત કરી. આ આયોજન બાદ શાળાની જ  વિદ્યાર્થીનીઓ અને મહિલાઓ સમક્ષ ‘સ્ત્રી સ્વચ્છતા’ બાબતે પણ વાતો કરવામાં આવી જેમાં તેમને મૂંઝવતા  પ્રશ્નો પર ચર્ચા કરવામાં આવી અને ત્યારબાદ તેઓમાં સેનેટરી પેડનું વિતરણ પણ કરવામાં આવ્યું.

 

ભારતની આવનારી પેઢીને પોતાના અને પોતાના કુટુંબના શારીરિક અને માનસિક સ્વાસ્થ્ય વિશે જવાબદાર બનાવવા તથા જાગૃત કરવા માટે આ કાર્યક્રમ યોજવામાં આવ્યો હતો.    

- દેસાઈ યાશ્રી       

હેલ્પ્સ ફાઉન્ડેશનનો સ્વાસ્થ્ય જાગૃતિ કાર્યક્રમ - "વિશ્વ સ્વાસ્થ્ય દિવસ" અનુસંધાને

 “પહેલું સુખ તે જાતે નર્યા.” - આ વાક્ય ન જાણે આપણે કેટલી વાર સાંભળતા હશું પરંતુ વિદ્યાર્થીકાળમાં આ બાબત સમજવી  કેટલી જરૂરી છે એ હેલ્પ્સ ફાઉન્ડેશન ખૂબ બારીકાઇથી જાણે છે, તેથી જ  ‘વિશ્વ સ્વાસ્થ્ય દિવસ’ અનુસંધાને હેલ્પ્સ ફાઉન્ડેશન દ્વારા “શારીરિક અને માનસિક સ્વાસ્થ્ય જાગૃતિ કાર્યક્રમ” યોજવામાં આવ્યો હતો. આ કાર્યક્રમ અંતર્ગત હેલ્પ્સ ફાઉન્ડેશનના ડૉ. ધીરેન્દ્ર પટેલ અને ડૉ. કાજલ પટેલના માર્ગદર્શન અને સહયોગથી વિરમગામ જીલ્લાની પે સેન્ટર શાળા નં. ૧માં બાળકોમાં શારીરિક અને માનસિક સ્વાસ્થ્ય પ્રત્યે જાગૃતિ કેળવવા માટે જે કાર્યક્રમનું આયોજન કરવામાં આવ્યું હતું તેમાં સ્વયંસેવકો તરીકે અંજલી, હું (યાશ્રી), અને જયોતિકા જોડાયા હતા.

આ આયોજનમાં શારીરિક સ્વાસ્થ્યમાં સ્વચ્છતા, પોષણયુક્ત આહાર અને પાણીજન્ય રોગોને આવરી લેવામાં આવ્યા હતા. તમાકુ, સિગારેટ તથા મોબાઈલ ફોનના વ્યસનને અહીં આવરી લીધાં હતા. જયારે શારીરિક સ્વાસ્થ્ય જેટલું જ મહત્વ ધરાવતા માનસિક સ્વાસ્થ્યનો પણ અહીં સમાવેશ થયો હતો. કાર્યક્રમની શરૂઆત ડૉ. ધીરેન્દ્ર પટેલ દ્વારા કરવામાં આવી જેમણે જીવનમાં તંદુરસ્તીનું મહત્વ શું છે એ વિષય પર ચર્ચા કરી, એ બાદ અંજલી દ્વારા સ્વચ્છતા અને પાણીજન્ય રોગોને આવરી લઇ તેનાથી સાવધાની કઈ રીતે રાખી શકાય એ વિષય પર બાળકો સાથે વાત કરી, ડૉ. કાજલ પટેલ દ્વારા બાળકોને પોષણયુક્ત આહારની બાબતમાં સમજ આપવામાં આવીઆવી અને સમતોલ આહાર પર ભાર મુકવા જણાવ્યું.  જયોતિકાએ તમાકુ અને સિગારેટના વ્યસન જેવી ગંભીર સમસ્યા પર બાળકોનું ધ્યાન દોર્યું અને તેનાથી થતી મુશ્કેલીઓથી તમને અવગત કરાવ્યા. આ કાર્યક્રમમાં મેં બાળકોને મોબાઈલના વ્યસન સંદર્ભે રજૂઆત કરી, જેમાં તેનાથીનાથી થતાં નુકશાનની વાત પર ભાર મૂકવામાં આવ્યો. 

વિશ્વ આરોગ્ય સંગઠન જયારે વિશ્વ સ્વાસ્થ્ય દિવસના ૭૫ વર્ષ ઉજવી રહ્યું છે ત્યારે Health For Allના આ કેમ્પેઈનમાં હેલ્પ્સ ફાઉન્ડેશન પણ જોડાયું અને બાળકોમાં આ વિષય પર જાગૃતિ કાર્યક્રમનું આયોજન કરવામાં આવ્યું.

- દેસાઈ યાશ્રી